Munir Niazi

اس شہرِ سنگ دل کو جلا دینا چاہیے​

پھر اس کی خاک کو بھی اُڑا دینا چاہیے​

​

ملتی نہیں پناہ ہمیں جس زمین پر​

اک حشر اس زمیں پہ اٹھا دینا چاہیے​

​

حد سے گزر گئی ہے یہاں رسمِ قاہری​

اس دہر کو اب اس کی سزا دینا چاہیے​

​

اک تیز رعد جیسی صدا ہر مکان میں​

لوگوں کو ان کے گھر میں ڈرا دینا چاہیے​

​

گُم ہو چلے ہو تم تو بہت خود میں اے منیر​

دنیا کو کچھ تو اپنا پتا دینا چاہیے​

Inspiration: Naeem Bukhari

Inspiration: Dr. Adib Rizvi